12 февраля 2011 г.
Патăрьелĕнчи культурăпа кану центрĕнче çамрăк юрă-ташă ăстисен пултарулăхне тупса палăртас тĕлĕшпе тĕрлĕрен мероприяти йĕркелеççĕ. Вĕсенчен пĕри– “Çуталса пыракан çăлтăр–2011” (“Восходящие звезды–2011”) фестиваль. Вăл яланхи пекех икĕ тапхăрпа иртет. Пĕрремĕшĕ–нарăсăн 14-22 мĕшĕсенче, иккĕмĕшĕ вара нарăсăн 25-мĕшĕнче. Ун чухне районти культура çуртĕнче эстрадăра чи-чи ăста юрлакан ачасен гала-концерчĕ пулать.
Фестивале яланхи пекех 14 çул тултарман арçын ачасемпе хĕрачасем хутшăнаççĕ. Сцена çине вара пĕчченшерĕн те, ушкăнпа та тухма пултараççĕ. Фестиваль лауреачĕсене дипломсем çеç мар, хаклă парнесем те кĕтеççĕ. Чи кăсăкли вара фестиваль Гран-прине çĕнсе илесси.