12 февраля 2011 г.
Кăçалхи пилĕк эрнере (кăрлачăн 28 – нарăсăн 4-мĕшĕсенче) республикăра гриппа тата ОРВИпе чирленĕ 18331 тĕс-лĕхе тупса палăртнă, урăхла каласан çак амакпа 100 пин çын пуçне 1434-ăн аптăранă, ку кăтарту малтанхи эрнеринчен 1,5 хут (939,6 çын) пысăкрах пулнă.
Шупашкарта гриппа тата ОРЗ-па чирленĕ 1300 тĕслĕхе шута илнĕ. Грипп сарăлнине пула хулари 55 шкулта вĕренекенсене каникула вăхăт çитмесĕрех яма тивнĕ, 17 садике 698 ача çÿремест.
2010–2011 çулсенчи эпидеми тапхăрĕнче гриппа тата ОРВИпе чирлессин ÿсĕмĕ вăтам шайпа пырать: çакна республикăри халăха асăннă амаксенчен иммунизациленипе çыхăннă тесе çирĕплетеççĕ сиплевçĕсем.