12 февраля 2011 г.
Çул çитмен çамрăксене право йĕркине пăсасран сыхлас тата воспитани ĕçĕсене лайăхлатас тĕл-левпе юлашки вăхăтра чылай кирлĕ йышăнусем тухнă. Вĕсен шутне условнăй майпа айăпланнă чухне нормативлă актра палăртнисем те кĕреççĕ.
Нарăсăн 10-20-мĕшĕсенче “Условник” операцин пĕрремĕш тапхăрĕ пырать. Унăн тĕп тĕллевĕ–çул çитмен çамрăксене право йĕркине пăснăшăн обществăран уйăрмасăр, общественноçпа ĕç коллективĕсем тăрăшнипе тĕрĕс çул çине тăратасси пулса тăрать.
Районти шалти ĕçсен пайĕпе çул çитмен ачасемпе ĕçлекен инспекцинче условнăй майпа айăпланса учетра тăракансем çук. Районĕпе пирĕн инспекцинче 44 ача шутра тăрать. Вĕ-семпе çул çитмен ачасемпе ĕçлекен инспекторсем, участоксенчи уполномоченнăйсем, уголовлă шырав милицийĕсем тĕрлĕрен темăпа калаçусем ирттерсех тăраççĕ.
Л.КОМИССАРОВА,
райшалĕçпайĕн çул çитмен ачасемпе ĕçлекен инспекцийĕн пуçлăхĕн тивĕçĕсене вăхăтлăха пурнăçлаканĕ.