Публикации » Кану каçне çĕр çинчи мĕн пур юратакансене халалланă

16 февраля 2011 г.

Патăрьелĕнчи автовокзал çумĕнчи “Пегас” кафере кашни канмалли кунах туй-çуй кĕрлет, юбилейсем иртеççĕ... Унсăр пуçне кунта кăçалтан халăха кăсăклă кану каçĕсем те йĕркелеççĕ. Пĕрремĕш кану каçне вĕсем чăвашсен авалхи йăли-йĕркине аса илсе халăха Сурхури уявне пуçтарнă. Ун чухне те залра лăк тулли халăх пулнă. Нарăсăн 14-мĕшĕнче вара Юратакансен кунне халалласа пĕр-пĕрне савса пурăнакансене чĕннĕ. Алла яхăн мăшăр пуçтарăннă уяв кĕрекине. Вĕсем хушшинче тин çеç мăшăрланнисем те, 10, 15 , 20 çул пĕрле пурăнакансем те пулнă. Юратакан çемьесене Шупашкартан килнĕ И.Шинжаев юрăçпа унăн чиперкке хĕрĕ тата Даниил кĕреке пуçĕ вăйă-кулăпа, юрă-ташăпа савăнтарнă.