22 февраля 2011 г.
Капмар çуртсем, пысăк-пĕчĕк урамсем, каш-кашласа ларакан йывăçсем, тухăçлă уй-хир, лĕпĕс-лĕпĕс чупакан йытăсем, ăшша юратакан кушаксем, ирхине халăха вăратакан автансем, амăшĕ хыççăн чăмлакан пăрушкасем, ака-суха тăвакан лашасем, çырмара какăлтатакан кăвакал-хур, машинăпа çÿрекен аттесем, чечексем хушшинче тĕрмешекен аннесем, хаçат вуласа хыпар пĕлекен асатте-кукаçи, тутлă кукăль пĕçерекен асанне-кукамай, тем уйăрма пĕлмен шăллăмсем, савăнăçпа çиçекен куçлă йăмăксем, спорта килĕштерекен аппа-пичче, тутлă шăрша туйсанах чей ĕçме каçакан кÿршĕ-аршă, леш касри хамăр тăвансем, сумлă вĕрентекенсем, эмел шăршиллĕ тухтăрсем, кĕсйисене юрă пуххи чикнĕ музыкçăсем, илем мĕнне чухлакан ÿнерçĕсем, пурнăçпа кăсăкланакан тĕпчевçĕсем, сăнама-итлеме юратакан тавра пĕлÿçĕсем тата эпĕ–çакă йăлтах манăн утравăм, çĕр-шывăм, юратнă кĕтесĕм–Туçа
Аня ТАБАКОВА.