Публикации » Вăрçă участникĕ çĕнĕ пÿрт кĕрекинче савăннă

22 февраля 2011 г.

Çак кунсенче Шăнкăртамра пурăнакан Тăван çĕр-шывăн Аслă вăрçин участникĕн Абзалтдин Ямалетдинович Хисаметдиновăн çемйи тăван-пĕтенĕпе пĕрле çĕнĕ пÿрт кĕрекинче савăннă. Çак хăтлă çурта вăрçă участникĕсен пурăнмалли условисене лайăхлатмалли Президент программипе килĕшÿллĕн «Стройкомфорт» тулли мар яваплă общество (ертÿçи В.Алимов) питĕ кĕске вăхăтра туса пĕтернĕ. Раççей Федерацийĕн Президенчĕн Указĕпе килĕшÿллĕн Юхмапа Пăла тăрăхĕнче пурăнмалли çурт-йĕре çĕнетес тĕллевлĕ 237 ветеранпа тыл паттăрне шута илнĕ. Çак программăпах 172 гражданин строительствăпа çурт-йĕр туянма социаллă пулăшу укçин свидетельствине илнĕ. Вĕсенчен 152-шĕ пурăнмалли условисене лайăхлатнă.