26 февраля 2011 г.
Нарăсăн 23-мĕшĕнче Сĕнтĕрвăрри районĕн поселени пуçлăхĕсем Патăрьел районне çитсе курнă. Вĕсем Шăнкăртамри тата Çĕнĕ çул умĕн Сăкăтра уçнă шкулсемпе, хоккейла вылямалли лаптăксемпе паллашнă. Çавăн пекех Çĕнĕ Ахпÿртре те пулнă. Хăнасем Патăрьел ял поселени пуçлăхĕн А. Моисеевăн ĕçĕ-хĕлĕпе интересленнĕ. Унтан акционерсен “Батыревский” хупă пĕрлешĕвĕн ĕне фермине, машинăпа трактор паркне, çĕр улмипе тырă склачĕсене кĕрсе курнă.
Районпа паллашнă хыççăн “çавра сĕтел” хушшинче Сĕнтĕрвăрри район администраци пуçлăхĕ Ю. Моисеев, унăн çумĕсем Н. Красновпа О. Залогин курса çÿренине пĕтĕмлетнĕ. ( Хамăр корр.)