26 февраля 2011 г.
“Труд” ял хуçалăх производство кооперативĕн ĕне ферминче ĕçлекенсен пухăвĕ иртнĕ. Унта хуçалăх ертÿçи Н. Михайлов, “Патăрьелĕнчи зонăри ветлаборатори” патшалăх учрежденийĕн директорĕ Л. Ефимова, хуçалăхри тĕп специалистсем хутшăннă.
Пухура 2010 çула пĕтĕмлетнĕ, кăçала валли план хатĕрленĕ. Ĕне-выльăх шутне упраса хăварасси тĕп тĕллевсенчен пĕри пулмаллине, ĕç дисциплинине çирĕплетмеллине палăртнă.
Л.Ефимова ĕне-выльăх, уйрăмах тин çуралнă пăрусем, чирлесрен профилактика ĕçĕсем ирттересси пирки каланă. Çавăн пекех сыснасен африка чуми сарăлас хăрушлăх пурри, обществăлла секторта, уйрăм хуçалăхсенче пур сыснасене те биркăламалли çинчен пĕлтернĕ. О. ПАВЛОВА.