05 марта 2011 г.
Патăрьелĕнчи культурăпа кану центрĕнче вĕрентÿ учрежденийĕсем хушшинче йĕркеленĕ патриотла юрăсен конкурсне 18 коллективран 19 солист,11 вокал ансамблĕ хутшăннă. ГРАН-ПРИе Патăрьелĕнчи пĕрремĕш вăтам шкулти А.Шулаева çĕнсе илнĕ. Уйрăм юрлакансем хушшинче Пăлапуç Пашьелĕнчи вăтам шкулти В.Матюшкин–пĕрремĕш, Аслă Чементи вăтам шкулти М.Латышовăпа Патăрьелĕнчи ПУ-7ри К.Сидорова–иккĕмĕш вырăнсенче. Виççĕмĕш вырăна вара Нăрваш Шăхалĕнчи Л.Алексеева, Хирти Пикшикри Г.Хасянова, Первомайскинчи В.Осипов, Ыхра Çырминчи вăтам шкулти А.Камалдинов пайланă.
Вокал ансамблĕсем хушшинче те ГРАН-ПРИе Патăрьелĕнчи пĕрремĕш вăтам шкулти А.Шулаевăпа Н.Рубцова дуэчĕ çĕнсе илнĕ. Пĕрремĕш вырăнта Первомайскинчи В.Осиповпа Д.Волков, иккĕмĕшĕнче–Çĕньялти Д.Живовпа К.Мадюкова, виççĕмĕшĕнче–Ыхра Çырминчи И.Тухветуллова, Г.Валиуллин, И.Вахитов.