16 марта 2011 г.
Патăрьелĕнчи пĕрремĕш вăтам шкулти 3 класс ачисем М.Федорова, М.Воронова вĕрентекенсем, О.Каллина социаллă педагог ертсе пынипе “Çăкăр” музейĕнче хĕле ăсатакан уява питĕ кăсăклă ирттернĕ. Ачасем малтанах ĕлĕкхи йăла-йĕркене, чăвашсем Сурхурипе Кăшарние мĕнле паллă тунине, аслашшĕ-асламăшĕ юрланă юрăсене аса илнĕ. Хĕле ăсатнине вара Çăварни юррипе вĕçленĕ.
В.Маллина музей директорĕпе Н.Румянцева экскурсовод хамăр халăхăн историйĕ пирки каласа пани, ĕлĕкхи çи-пуç, ĕç хатĕрĕ, ĕçме-çиме, савăт-сапа тата ытти экспонатсене куçпа курни те ачасемшĕн асра юлĕ.