23 марта 2011 г.
Район админстрацийĕн пуçлăхĕ Н.Глухов структура подразделенийĕсен ертÿçисен черетлĕ канашлăвĕнче хальхи вăхăтра татса памалли тĕллевлĕ ыйтусене хускатнă. Çурхи шыв-шур тапхăрне вырăнсенче пысăк яваплăха туйса хатĕрленмелле. Вăл никама та инкек-синкек ан кăтарттăр. Çураки ыйтăвĕ те тĕп вырăнта пулмалла.
Çавăн пекех канашлура вырăнсенче тирпей-илем, тасалăх ыйтăвĕпе ĕçлессине, автоçулсене шыв-шур вăхăтĕнче ăнăçлă пăхса тăрассине, район тата ял поселенийĕн бюджечĕсене пахалăхлă пурнăçлассине те хускатнă.
Пуш уйăхĕн 20-мĕшĕнчен пуçласа ака уйăхĕн 20-мĕшĕччен районта “Шурă салтак тÿмми” ( “Белая ромашка”) уйăхлăх пынă май, канашлура районти тĕп больницăра “Уçă алăк кунĕсем” йĕркелессине те каланă.
Умра– шкул ачисен çуркуннехи каникулĕ. Вăл хаваслă та кăмăллă, усăллă, пăтăрмахсăр ирттĕр тесе тăрăшмалла, ачасен канăвне ăнăçлă йĕркелемелле.