23 марта 2011 г.
Чăваш Ен Президенчĕ Михаил Игнатьев ертсе пынипе иртнĕ ларура республикăн Министрсен Кабинечĕ “Чăваш Республикинче нумай ачал-лă çемьесене çĕр лаптăкĕсем парасси çинчен” саккун проектне пăхса тухнă.
Асăннă саккун уйрăм çурт лартма, дача тума, хушма хуçалăх йĕркелеме нумай ачаллă çемьесене çĕр лаптăкĕ парассипе çыхăннă ыйтусене йĕркелет.
Нумай ачаллă çемьесен харпăрлăхне республикăн патшалăх харпăрлăхĕнчен памалли лаптăксенчен чи пысăк виçисене çапла çирĕплетнĕ: уйрăм çурт çĕклеме–0,6, дача валли–0,5, хушма хуçалăх тытса пыма–0,12 га. Саккун проекчĕпе килĕшÿллĕн нумай ачал-лă çемьесене çĕр лаптăкĕсене пĕр хут, пĕрлехи харпăрлăхри тÿпе прависене кашни çынна çирĕплетсе памалла.