02 апреля 2011 г.
Росстат пĕлтернĕ тăрăх Раççейре 142905,2 пин çын пурăнать. Экспертсен шутлавĕпе килĕшÿллĕн пирĕн çĕр-шыври халăхăн йышĕ сакăр çулта (2002 çулхи çыравранпа) 2,3 млн. çын е 1,6 процент сахалланнă.
Чăвашстат та пĕтĕм-летÿсем тунă. Малтанлатса палăртнă тăрăх çĕр-шыв пĕлтерĕшлĕ мероприятире Чăваш Енре 2010 çулта ялан пурăнакан 1251,6 пин çынна шута илнĕ. 2002 çулхи çыравпа танлаштарсан 62,2 пин çын (4,7 процент) чакнă.
Шупашкарпа Çĕнĕ Шупашкарта 588,5 пин е республика халăхĕн 47 проценчĕ тĕпленнĕ (2002 çулта – 44 процент). Асăннă хуласемсĕр пуçне (вĕсенче 2,6 тата 7,1 процент хутшăннă), ытти хула-районта пуринче те йыш чакнă. Çухату уйрăмах Улатăр (20,3 процент), Хĕрлĕ Чутай (19,8 процент), Пăрачкав (19,2 процент), Çĕмĕрле (19,0 процент) тăрăхĕсенче пысăк.