09 апреля 2011 г.
Ака уйăхĕн 10-мĕшĕнче пирĕн хисеплĕ ентеш, Чăваш халăх писателĕ, Чăваш АССР культура тава тивĕçлĕ ĕçченĕ, нумай-нумай премисен лауреачĕ, Мускаври патшалăх гуманитари университечĕн хисеплĕ профессорĕ Юхма Мишши (Михаил Николаевич Ильин) 75 çул тултарать. Çак ятпа Патăрьелĕнчи тĕп библиотекăра унăн литературăри пултарулăхне хак паракан “Юхма Мишши–чăваш халăхĕн сумлă ывăлĕ” кĕнеке куравĕ уçăлнă.
Юхма Мишши–икçĕр ытла литература произведенийĕсен авторĕ. Вĕсем хушшинче романсемпе повеçсем, калавсемпе очерксем, сăвăсемпе юрăсем те пур. Унăн произведенийĕсене халăх юратса вулать.