Публикации » Ульха аппа 365 кун «Авангардпа»

13 апреля 2011 г.

2011 çулхи иккĕмĕш çур çулшăн хаçат-журнал çырăнтармалли тапхăр малалла пырать. Чи-чи хастар вулакансем хăйсем кăмăллакан хаçата çырăнма та ĕлкĕрнĕ. Пăлакассинчи О.Осипова салтак арăмĕ яланхи пекех чăн малтан районта тухса тăракан “Авангард”, республикăри “Хыпар” хаçатсене çырăннă. Ольга Николаевна хăй мĕн астăвассах район хаçатне чăн малтан алла илнĕ. 92 çулта пулин те кинемей унта пичетленекен кашни материала тимлĕ вулать. Ульха аппа хăй пек тыл паттăрĕсем, ял хуçалăх ĕçче-нĕсем пирки çырнă статьясене, кĕске хыпарсене кăмăллать. Хаçата паян та куçлăхсăрах тишкерет.