16 апреля 2011 г.
Иртнĕ шăматкун, акан 9-мĕшĕнче, Чăваш Ишекĕнчи культура çуртне хăйсен ентешĕн, ЧПУ президенчĕн, академикăн, ял халăхĕшĕн, районшăн нумай пысăк ĕç тăвакан Л.П.Кураков амăшĕ пирки пичетленĕ “Мать” кĕнекине сÿтсе явма, презентацилеме лăк тулли халăх пуçтарăннă. Кĕнеке авторĕ– Лидия Филиппова журналистка. Татьяна Федоровна Куракова (Иванова) пурнăçĕ, кун-çулĕ ялти чылай çынна çывăх. Ырă аса илÿсенче ял çыннисем Лев Пантелеймоновичăн сăпайлă та ĕçчен амăшĕ пирки нумай ăшă сăмах каланă. Пурăннă чухне çырса илнĕ сасси вара унăн кăмăллă сăнне кашни çын умне кăларса тăратнă.
Юлашкинчен презентацие килнĕ кашни çыннах çак кĕнекене парнеленĕ, чăваш эстрада артисчĕсем ял халăхне юрăпа савăнтарнă.