Публикации » Сумлă пулăшу кÿчĕç

16 апреля 2011 г.

“Паттăр” физкультурăпа спорт комплексĕнче Патăрьел ялĕнчи предприятисемпе организацисем хушшинче волейболла выляса мала тухассишĕн ăмăрту иртрĕ. Пĕрремĕш вырăншăн акционерсен “Батыревский” хупă пĕрлешĕвĕн тата ял поселенийĕн командисем выляма тивĕç пулчĕç. Вĕсемех çак йĕркепе пĕрремĕш тата иккĕмĕш вырăнсене йышăнчĕç. Ял поселенийĕн командине хавхалантарма патшалăхăн “Поддержка” страхлакан компанин районти представительствин ĕçченĕсем пурте пынă. Пушă алăпа та мар. “Поддержка” страхлакан компани ертÿçи М. Ялукова вăййа хутшăннă кашни çынна кĕтмен инкек-синкекрен çулталăка 10000-шер пин тенкĕлĕх страхласа полиссем, асăнмалăх парнесем пачĕ. Малашне те ял поселенийĕн спорт командине спонсорла пулăшу кÿме пулчĕ. Çакна ĕнентермешкĕн пурне те пĕрешкел форма парнелерĕ. Çакăншăн М. Ялуковăна тата унта ĕçлекенсене спортсменсем чĕререн тав тăваççĕ. (753).

А. ИВАНОВА.