20 апреля 2011 г.
Ака уйăхĕн 14-мĕшĕнче К. В. Иванов ячĕллĕ Чăваш патшалăх академи драма театрĕнче Сăкăтра çуралса ÿснĕ Александр Кураков артистăн юбилей каçĕ иртнĕ.
Талантлă та пултаруллă сцена ăстине 50 çул тултарнă ятпа саламлама ЧР Культура министрĕн пĕрремĕш çумĕ В. Фошин, К. В. Иванов ячĕллĕ Чăваш патшалăх академи драма театрĕн тĕп режиссерĕ В. Яковлев, Патăрьел район администрацийĕн пуçлăхĕ Н. Глухов, Сăкăт ял поселенийĕн пуçлăхĕ С. Толстов, “Красное знамя” ял хуçалăх производство кооперативĕн ертÿçи П. Никифоров, юлташĕсем, театр искусствине юратакансем пуçтарăннă.
Александр Кураков 1983 çулта Мускаври М. С. Щепкин ячĕллĕ театр училищинчен вĕренсе тухнă. Вăл сахал мар сăнар калăпланă. Сăмахран, “Туй хыççăн арăм шырамаççĕ” (Н. Сидоров) спектакльте Тяпук, “Çĕнĕ арăм виç куна” (Ш. Башбеков) – Куçма, “Хурлăхлă хурама сасси” (Д. Гордеев тата Г. Кириллов) – Таркăн, “Салтак шăпи” (А. Тарасов) – Захар мучи, “Евчĕ” (А. Цагарели) – Тимоте рольсем.
А. ИВАНОВ.