30 апреля 2011 г.
Тури Чакăри 35 çулхи арçын ĕçсе ÿсĕрĕлнĕ хыççăн пĕрле пурăнакан 33 çулхи хĕрарăмпа çапăçса кайнă, ăна аллипе те урипе тапнă, вут пуленкипе тĕрлĕ çĕртен çапса хĕненĕ, уринчен сĕтĕрсе урама илсе тухнă та çуна çине хурса хăй патне илсе кайнă. Йывăр сурансене чăтайманран хĕрарăмăн чĕри тапма чарăннă.
Йĕрке хуралĕн ĕçченĕсем айăпланакана çийĕнчех тытнă. Çавăн пекех преступлени тăвакан 2007 çулта пĕр ял хуçалăх предприятийĕн пурлăхне те вăрланă пулнă. Кун пирки вăл хăех йышăннă.
Хальхи вăхăтра айăпланакан ячĕпе уçнă уголовлă ĕçе суда янă.