05 мая 2011 г.
Иртнĕ çул вĕçĕнче Мускавра “Святильник разума” кĕнеке пичетленсе тухрĕ. Ку вăл иккĕмĕш хушма тÿрлетнĕ кăларăм. Пĕрремĕшне И. Я. Яковлев уçса йĕркеленĕ Чĕмпĕрти чăваш шкулĕ 140 çул тултарнă май виçĕ çул каялла кăларнăччĕ. Ку хутĕнче вăл малтанхинчен нумай туллирех,илемлĕрех,пуянрах. Унта чăваш халăхĕн çырулăхĕпе культура епле аталанса пынине,чăваш халăхне çутта кăлараканĕн Иван Яковлевăн пурнăçĕпе ĕçĕ-хĕлне тĕплĕн тишкернĕ. Кĕнекере тĕрлĕрен сăн ÿкерчĕкпе ытти документлă материалсем нумай.
Çак паха содержаниллĕ кĕнекене çырса пирĕн ентеш, Патăрьелĕнче çуралса ÿснĕ Раççей писательсен пĕрлешĕвĕн членĕ, нумай кĕнеке авторĕ, Чăваш патшалăх университечĕн наука сотрудникĕ В.Смирнов çырса хатĕрленĕ.
Л.ЛЯЛЬКИН.