12 мая 2011 г.
Патăрьелĕнчи пĕрремĕш вăтам шкулта ра-йонти çамрăк çул-йĕр инспекторĕсен “ Хăрушсăрлăх кустăрми” конкурс-фестивалĕ иртнĕ. Унăн тĕп тĕллевĕ–шкул ачисене çул-йĕр правилисене, пĕтĕмĕшле йĕркене, сывă пурнăçа хăнăхтарасси.
Конкурса сакăр шкул команди хутшăннă. Тăватă енĕпе иртнĕ тупăшура Патăрьелĕнчи пĕрремĕш вăтам шкулти çамрăк çул-йĕр инспекторĕсем пĕрремĕш, Туçари вăтам шкул иккĕмĕш, Кивĕ Ахпÿртри пĕтĕмĕшле пĕлÿ паракан тĕп шкул виççĕмĕш вырăнсене йышăннă.
Патăрьелĕнчи пĕрремĕш вăтам шкулта вĕренекен çамрăк инспекторсен республикăри конкурса хутшăнмалла пулĕ.