12 мая 2011 г.
Унăн ячĕ халăх асĕнче
(Анатолий протоиерей пиртен уйрăлса кайнăранпа çулталăк çитнине асăнса)
Чăваш Ен тата Шупашкар епархийĕн Кăнтăр округĕн благочиннăйне Анатолий Сорокин протоиерее тискеррĕн вĕлернĕренпе çулталăк иртрĕ. Çак хурлăхлă куна палăртса çу уйăхĕн 2-мĕшĕнче Аслă Пăла Тимешĕнче вăл ĕçленĕ чиркÿре тата Тăрăн чиркĕвĕнче ятарлă кĕлĕ тата панихида ирттерчĕç.
Кĕлĕсене вуншар священник, монахсемпе чиркÿ çыннисем тата ĕненекенсем йышлăн хутшăнчĕç, çуртасем çутса, просфорăсем кастарса, пиртен вăхăтсăр уйрăлса кайнă Анатолий аттешĕн Турра кĕл турĕç. Юлашкинчен асăну кĕллине хутшăннисем Тăрăн чиркĕвĕ çумне пытарнă Анатолий аттен вил тăпри çинче аслă панихида ирттерчĕç, ун ячĕпе хатĕрленĕ апат-çимĕçе тутанчĕç. Вил тăпри çинче кунĕпех çын татăлмарĕ.
ЛĕЛЯЛЬКИНĕ