21 мая 2011 г.
Çанталăк ăшăтнă май, вăрмана каякансем те нумайланчĕç. Пĕрисем кăмпа татаççĕ, теприсем ятарласа канма çÿреççĕ. Анчах кунта та хăрушлăх пур иккен: çынсене сăвăссем тапăнаççĕ. Çак кăпшанкă этем сывлăхне, вăхăтра кăлармасан, сиен кÿме те пултарать, вируслă энцефалит е лайм чирĕсем пуçланаççĕ. Вăрмана кайнă чухне сăвăса хăратакан хатĕрсемпе усă курма, питĕрех тăхăнма манмалла мар. Сăвăса килти чĕр чунсем те илсе килме пултараççĕ, çавăнпа вĕсене те тимлĕх уйăрмалла.