21 мая 2011 г.
Раççей-нимĕç энергетика агенствин генеральнăй директорĕ Томас Хендель ертсе пыракан делегаци Шупашкарта иртнĕ экономика форумне хутшăннă.
Ларăва Раççей Федерацийĕн тата Германи федераци Республикин ĕç тăвакан влаçĕн федераци органĕсен представителĕсем, федераци Атăлçи округĕн субъекчĕсен ĕç тăвакан влаçăн органĕсен ертÿçисем, Раççери тата Германири ертсе пыракан компанисен представителĕсем хутшăннă.
Нимĕçсем пире энерги перекетлеме сĕнеççĕ, вĕрентеççĕ. Германи Чăваш Ене нумай çуллăха сахал процентлă транш пама килĕшет. Промышленноçра, топливо-энергетика, çурт-йĕрпе коммуналлă комплекссенче энергипе тухăçлă усă курма тытăнасси куç кĕрет.