Публикации » Çамрăк армеецсем «çарта» пулчĕç

25 мая 2011 г.

Турхан ял поселенийĕнчи “Кивçурт” уçланкăра “Зарница” тата “Орленок” вăйăсем иртрĕç. Кăçалхипе вăл вунсаккăрмĕш хут пулчĕ. Виçĕ куна пынă ăмăртусенче “Орленоксенчен” Патăрьелĕнчи пĕрремĕш вăтам шкул команди пĕрремĕш, Первомайскинчи вăтам шкул иккĕмĕш, Туçари вăтам шкул виççĕмĕш вырăнсене йышăнчĕç. “Зарница” тупăшă-вĕнче малти вырăна Пăлапуç Пашьелĕнчи вăтам шкул, иккĕмĕшне Кивĕ Ахпÿртри пĕтĕмĕшле пĕлÿ паракан тĕп шкул, виççĕмĕшне Ыхра Çырминчи тата Алманчăри вăтам шкул командисем тухрĕç. Çĕнтерÿçĕсене, конкурссенче палăрнисене Хисеп грамотисемпе чысларĕç. Мала тухнисем район чысне республика шайĕнче хÿтĕлĕç.

А. ИВАНОВ.