28 мая 2011 г.
Çĕнĕ Ахпÿртри культура çуртĕнче салтака кайма ят тухнисене хисеплесе “Эсир чикке сыхлатăр, эпир сире кĕтетпĕр” ятпа мероприяти ирттернĕ. Çитес кунсенче çар ретне тăракансем – А. Плешков, Н. Куданов, А.Цыганов, А. Скворцов, В. Плешков, С. Толстов, А. Куданов, вĕсен ашшĕ-амăшĕ, çывăх çыннисем, юлташĕсем пухăннă. Пулас салтаксене Çĕнĕ Ахпÿрт ял поселенийĕн пуçлăхĕ В. Тукмаков, ВУС начальникĕ Г. Калмыков, запасри офицер В. Кузнецов майор, район депутачĕсен Пухăвĕн депутачĕ Е. Мартышкин саламланă, ырă-сывă таврăнма пехилленĕ. Ашшĕ-амăшĕ ячĕпе Г. Цыганова тухса калаçнă, çавăн пекех службăра пулнисем те сăмах илнĕ.
Культура учрежденийĕн ĕçченĕсем призывниксене юрă-ташăпа савăнтарнă. Уяв каçне ертсе пыракан В. Хурамаева пулас салтаксемпе тĕрлĕ конкурс ирттернĕ.