08 июня 2011 г.
Çак кунсенче районта Чăваш Республикин Халăха ĕçпе тивĕçтерекен патшалăх службин ертÿçи С. Димитриев пулнă. Сергей Петрович район администрацийĕн пуçлăхĕпе Н. Глуховпа, ра-йонти ĕçпе тивĕçтерекен центр коллективĕпе тĕл пулнă май умри тĕллевсене çивĕчлетнĕ, çавăн пекех пуçтарăннисене Юхмапа Пăла тăрăхĕнчи ĕçпе тивĕçтерекен центрăн çĕнĕ ертÿçипе – Г. Афанасьевпа паллаштарнă. Геннадий Иванович чылай вăхăт “Юхма” рынок ертÿçинче тăрăшнă, юлашки икĕ çул хушшинче районти çырав уполномоченнăйĕ пулнă.
С. Димитриев уйрăмах инвалидсене, нумай ачаллă ашшĕ-амăшне ĕçпе тивĕçтерессипе тимлĕх уйăрмаллине палăртнă.
Юлашкинчен С. Димитриевпа Н. Глухов Чăваш Республикинчи агропромышленность комплексне ĕçпе тивĕçтерес тĕллевпе йышăннă программăсене пурнăçлас ĕçе хастар хутшăннăшăн тата Раççей Федерацийĕнче ĕçлев службине йĕркеленĕренпе 20 çул çитнĕ май районти ĕçпе ти-вĕçтерекен центр бухгалтерине Зоя Логуновăна ЧР Ял хуçалăх министерствин грамотипе чысланă. Çавăн пекех асăннă министерствăн Тав çырăвне “Исток” çĕр ĕç фирмин директорĕ А. Илюткин тата “Стройкомфорт” тулли мар яваплă пĕрлешÿ ертÿçи М. Алимов тивĕçнĕ.
А. ИВАНОВ.