11 июня 2011 г.
Çĕртме уйăхĕн пĕрремĕш шăматкунĕнче, 4-мĕшĕнче, районти Мăшăрлану керменĕнче çичĕ хутчен Мендельсон маршĕ янăранă. Татмăш, Вăтаел, Турхан, Кивĕ Катек ялĕсенче, Ясная Поляна поселокра туйсем кĕрленĕ. Çак кунах 100-мĕш мăшăра, Соловьевсене, регистрациленĕ. Треньел каччи Александр Родионович Шупашкар хĕрĕпе, Римма Юрьевнăпа, пĕр çемье çулĕпе утма кăмăл тунă.
Çак уйăхра тата 25 мăшăр ĕмĕр тăршшĕпе юнашар утас тĕллевпе районти ЗАГС уйрăмне заявлени панă.