17 июня 2011 г.
Нăрваш Шăхалĕнчи вăтам шкул директорĕн В. Платонован ячĕпе Чăваш ял хуçалăх академийĕн ректорĕнчен Н. Кирилловран грамота килнĕ. Шкул çак чыса академипе тачă çыхăну тытнăшăн тивĕçнĕ.
Ял хуçалăх академийĕн преподавателĕ Н. Воронова-Матвеева доцент ертсе пынипе (вăл çак ял хĕрĕ) Нăрваш Шăхаль шкулĕнчи биологи учителĕ Л. Кузьмина кружок йĕркеленĕ. Кунта çÿрекен ачасем хăйсен тавракурăмне теори тĕлĕшĕнчен те, практикăра та анлăлатнă. Вĕренÿ çулĕ тăршшĕпе пухнă пĕлĕвне вĕренекенсем республика шайĕнчи викторинăра тĕрĕсленĕ. А. Данилова, М. Фролова, И. Кошкина “Юный аграрий” тупăшура грамотăсем, В. Адикин вара “Юный менеджер” викторинăра II вырăн йышăнса II степеньлĕ диплом илме тивĕçнĕ.