17 июня 2011 г.
Чăваш Ен Президенчĕ Михаил Игнатьев ЧР Министрсен Кабинечĕн членĕсемпе тата федераци ведомствисен территори органĕсен ертÿçисемпе канашлу ирттернĕ.
Пĕтĕм Раççейри ял Сабантуйне, Патăрьелĕнчи Шăнкăртамра ирттермеллескере мĕнле ха-тĕрленни çинчен культура министрĕ Роза Лизакова каласа панă. Çĕртме уйăхĕн 19-мĕшĕнче унта 25-30 пин çын пухăнмалла. Тĕп мероприятисем виçĕ концерт тата икĕ кĕрешÿ лаптăкĕнче ир-тĕç. Ипподромра лашасен чупăвĕ пулать. Программа анлă: профессионалсен тата художество пултарулăх коллективĕсем Чăваш Енрен кăна мар, Тутарстанран та. Сабантуя çĕр-шывăн 20 регионĕнчен 500 ытла çын килмелле. Сувенирсен, ал ăстисен япалисен куравĕсем, спорт вăййисем иртĕç. Йĕркелĕхе полицин пысăк йышĕ, ятарлă ушкăнсем тивĕçтерĕç.