Публикации » Çĕнтерÿçĕсем паллă

17 июня 2011 г.

Чăваш Енри профессионалсен коллективĕсен пултарулăх проекчĕсене пурнăçлама Чăваш Республикин Президенчĕн грантне илмелли конкурс çĕнтерÿçисене палăртнă. Çак кунсенче Михаил Игнатьев Президент тивĕçлĕ хушăва алă пуснă.

2 млн тенкĕлĕх грантсене илме тивĕçлисен шутĕнче – Çеçпĕл Мишши ячĕллĕ Чăваш патшалăх çамрăксен театрĕ. Вăл грантпа Атăл тăрă-хĕнчи халăхсен юмахĕсемпе халапĕсен никĕсĕ çинче ачасемпе çамрăксем валли “Караван белых птиц” спектакль ха-тĕрлеме усă курĕ. Чăваш патшалăх филармонийĕ укçана “Чăваш çĕрĕн чи лайăх юррисем” проекта пурнăçлама илет. Чăваш патшалăх оперăпа балет театрĕ конкурса “Сарпике” проект тăратнă, ăна Чăваш Ен балечĕ 45 çул тултарнине халалланă. Шăпах вăл гранта тивĕçнĕ.