23 июня 2011 г.
Пуçаруçăсем тата çĕнтерÿçĕсемРеспубликăри географипе вĕрентекенсем хушшинче туристпа краеведени ăмăртăвĕсене ирттересси йăлана кĕрсе пырать. Çак пархатарлă ĕçе пĕрремĕш хут районти педагогсем пуçарнипе Пăла юхан шывĕ хĕрринче йĕркеленĕччĕ. Ку хутĕнче вĕрентекенсем ăмăртăва Çĕрпÿ районĕнче пухăнчĕç. Икĕ куна пычĕ çивĕч кĕрешÿ. Хальхинче те Патăрьел район команди çĕнтерÿçĕ пулса таврăнчĕ. Тулли мар яваплă “Чувашия турист” пĕрлешÿ командăна Атăл тăрăх теплоходпа çул çÿреве кайма тÿлевсĕр путевка парса чыс турĕ. Эстафета патаккине Куславкка районĕнчи вĕрентекенсем илчĕç.
Команда чысне Туçари вăтам шкулти Л. Карягин, Сăкăтри С. Елкин, Пăлапуç Пашьелĕнчи В. Тихонов, Турханти вăтам шкулти В. Башмаков, Çĕньялти Н. Тихонова, Первомайскинчи Н. Янаслова, Патăрьелĕнчи пĕрремĕш вăтам шкулти А. Кузнецова вĕрентекенсем хÿтĕлерĕç.
Э. ЕМЕЛЬЯНОВА,
район администрацийĕн вĕрентÿ пайĕн методисчĕ.