Публикации » Ентеш çитĕнĕвĕ савăнтарать

29 июня 2011 г.

Нумай пулмасть Сочинче шашкăлла выляса мала тухассипе Пĕтĕм тĕнчери пиллĕкмĕш турнир иртнĕ. Унта маларахри çулсенчи пекех республика чысне чи вăйлă ăстасем хÿтĕленĕ. Шупашкарти 61-мĕш вăтам шкулта вĕренекен Д.Леонидов виçĕ номинаципе ылтăн медале тивĕçнĕ. Тепĕр ушкăнта вылянă тĕп хуламăрти пĕрремĕш номерлĕ пуçламăш шкулта вĕренекен Д.Владимиров 1, 4 тата 3 вырăнсене йышăннă. Вĕсене ăмăртăва хатĕрлекенĕ пирĕн районтан. Ачасемпе çамрăксен “Энергия” спорт шкулĕн тренер-преподавателĕн А.Унтинăн ачалăхĕ Пÿртлĕре иртнĕ. 2006 çулта Андрей Федотович спортăн çак енне пысăк тимлĕх уйăрса ĕçлеме пикенсен спортсменсем уйрăмах çитĕнÿ хыççăн çитĕнÿ тума пуçланă. Ахальтен мар ĕнтĕ А.Унтинăн ĕçне Чăваш Республикин спорт министерствин, вырăс шашкин Тĕнчери пĕрлешĕвĕн Хисеп грамотисемпе хакланă.