Публикации » Президент çамрăк армеецсемпе тĕл пулнă

06 июля 2011 г.

Республикăри çамрăк армеецсен “Зарницăпа” “Орленок” вăййисен 43-мĕш финалне сумлă лару-тăрура хупма Канаш районĕнчи А. Г. Николаев космонавт ячĕллĕ лагерь çывăхĕнчи вăрман ĕшнине Чăваш Республикин Президенчĕ Михаил Игнатьев, вĕрентÿпе çамрăксен политикин министрĕ Владимир Иванов, республикăри çар комиссарĕ Александр Мокрушин полковник, Канаш район пуçлăхĕ Иван Ивановпа район администрацийĕн пуçлăхĕ Владислав Софронов, ытти яваплă çынсем хутшăннă. Чыслав пуçланиччен республика ертÿçи палаткăсен хулипе, унта 6 кун пурăннисемпе паллашнă, кăмăл-туйăмпа кăсăкланнă. “Зарница” ушкăнра Хĕрлĕ Чутайри вăтам шкулăн çамрăк армеецĕсем çĕнтернĕ. Вĕсем Екатеринбургра иртекен спортăн çар тата техника енĕсен тупăшăвĕнче тăван республика чысне хÿтĕлĕç.