13 июля 2011 г.
Турханта чăвашсен пĕрремĕш художник-профессорне А. Кокеле халалласа тĕнчери пиллĕкмĕш пленэрĕ уçăлни пирки хаçатра пĕлтернĕччĕ ĕнтĕ. Сумлă мероприятие хутшăнакансен йышĕ те ÿссех пырать. Акă, Беларусь патшалăх искусство академийĕн профессорĕ С. Федоренко, Украина халăх художникĕ В. Ковтун, Украина çĕр-шывĕн искусствăн тава тивĕçлĕ ĕçченĕ Н. Титов профессор, Узбекистанри Хамза ячĕллĕ патшалăх премийĕн лауреачĕ В. Михайличенко, В. Непомнящий художник, Раççей тата Чăваш халăх художникĕ Р. Федоров, Тутарстан Республикин культурăн тава тивĕçлĕ ĕçченĕ А. Иншаков, Раççей художникĕсен пĕрлешĕвĕн членĕ Н. Пичугин, Раççей художникĕсемпе Мускав художникĕсен пĕрлешĕвĕсен членĕ В. Коротков Пĕтĕм тĕнчери, Раççейри, Украинăри куравсенче хăйсен ĕçĕсемпе пĕрре мар лауреат ятне тивĕçнĕ.
Кăçал Турханта ял картинисен галере-йине уçасшăн. Унта Раççей, Чăваш тата Украина çĕр-шывĕсен сăрă ăстисен ÿкерчĕкĕсене тăратĕç. Сăмах май каласан, ку Раççейре те пĕрремĕш пулĕ.
А. ИЛЬИН.