16 июля 2011 г.
Республика бюджетне черетлĕ, виççĕмĕш хут тишкерсе пысăклатнă май Министрсен Кабинечĕ тивĕçлĕ саккуна палăртмалли мерăсене палăртнă. Пĕтĕмĕшле илсен тупăшпа тăкаксене пĕрешкел виçепе–2,7 млрд тенкĕлĕх пысăклатнă. Хушма укçана социаллă ыйтусене татса парас ĕçе ярĕç. Çурт-йĕр строительстви 1,2 млрд тенкĕ илĕ. Пысăк пĕлтерĕшлĕ тепĕр çул-йĕр бюджет сферинче вăй хуракансене пырса тивĕ. Çапла вара виçĕ хут–çĕртме уйăхĕн 1-мĕшĕнче, авăнăн 1-мĕшĕнче, юпа уйăхĕн 1-мĕшĕнче–пысăклатнине шута илсен вĕрентекенсен шалăвĕн пĕтĕмĕшле ÿсĕмĕ 30 процентпа танлашĕ.
Çавăн пекех çак укçапа энергипе тухăçлă усă курассипе çыхăннă мероприятисене пурнăçлас ыйтăва татса парĕç тата сахал тупăшлă сийсен социаллă хÿтлĕхпе те тĕрев кÿрĕç.