20 июля 2011 г.
Çĕньялти Николай Петровичпа Мария Ильинична Мурзуковсемшĕн çак кунсенче пысăк савăнăç пулнă, çемьене, йăх-несĕле малалла тăсма пулăшакан ывăл çуралнă. Пулас пăхаттир валли ашшĕпе амăшĕ янăравлă ят суйласа илнĕ. Роман çемьере пĕччен мар. Ксюша аппăшĕ ăна больницăран киле таврăнасса тем пекех кĕтнĕ.
Пĕчĕк Роман вара çут тĕнчене ахаль кун çеç мар, икĕ пысăк пĕлтерĕшлĕ уявсенче килнĕ. Вăл Пĕтĕм Раççейри çемье, юрату, шанчăклăх ку-нĕнче çурални хăй пĕр савăнăç-ха. Унсăр пуçне мăнукĕ аслашшĕ шăп та лăп çур ĕмĕр тултарнă кунхине, асра юлмалли менельникĕнче çут тĕнчене килни вара пысăк телей. Малашне çак çемье кĕрекене харăсах икĕ сăлтавпа ларĕ.