27 июля 2011 г.
Район администрацийĕн структура подразделенийĕсен ертÿçисемпе ял поселени пуçлăхĕсен пĕрлехи канашлăвне район администрацийĕн пуçлăхĕн çумĕ – ра-йон администрацийĕн ял хуçалăх, экологи, экономика, çĕр тата пурлăх хутшăнăвĕсен пай пуçлăхĕ М.Калмыков ертсе пынă. Канашлура райадминистраци пайĕсен, ял поселени-йĕсен ĕçĕсене пĕтĕмлетнĕ, вырмана ăнăçлă ирттерсе ярассине, районта пыракан строительство ĕçĕсене кирлĕ пек пурнăçласа пырассине çивĕчлетнĕ. Çавăн пекех ра-йон, ял поселенийĕсен бюджечĕсене еплерех пурнăçлани пирки те сăмах пуçарнă. Малалла тăсăлакан шăрăх çанталăкра пушар хăрушсăрлăх йĕркисене çирĕп пăхăнассине, ача-пăчана шыва кĕнĕ чухне асăрханассине çирĕп ăнлантармалла. Сывлăх тĕлĕшĕнчен хавшакрах çынсен хĕвел ăшшинче нумай çÿреме тăрăшмалла мар. Мĕншĕн тесен юлашки вăхăтра шăпах çак сăлтавпа больницăна çакланакансем йышлă.
Хуçалăхсенче выльăх апачĕ хатĕрлессипе те тимлеççĕ, сухан-севок кăларма тытăннă.
Районта тавралăха илемлетес, çурт-йĕре, урамсене, ялсене хăтлăх кÿрес тĕллевпе конкурс йĕркелеççĕ. Мансур Миневелиевич ял поселенийĕн пуçлăхĕсене çак конкурса хастар хутшăнмаллине каланă.