06 августа 2011 г.
Çĕнĕ вĕренÿ çулĕ Чăваш Енре çĕнĕлĕхпе пуçланĕ: кашни шкултах физкультура урокĕн шучĕ ÿсмелле. Малашне 1–11-мĕш классенче вĕренекенсем ÿт-пĕвĕсене эрнере виçĕ хут çирĕплетĕç. Занятисене тĕрлĕ енлĕ йĕркелеме палăртнă. Çавна май программăра аэробика, ритмика урокĕсем пулĕç, шывра ишессине йĕркелĕç, тренажер залне те çÿрĕç ачасем. Физкультура урокĕсене ертсе пыма учительсĕр пуçне тренерсемпе, спорт учрежденийĕн преподователĕсене явăçтарĕç. Унсăр пуçне авăн уйăхĕн 1-мĕшĕнчен республикăра икĕ çĕнĕ проект старта тухать: “Эпĕ ишме пĕлетĕп” тата “Ташлакан шкул”.
Физкультура учителĕсен квалификацине ÿстермешкĕн Чăваш патшалăх педагогика университечĕ çумĕнче ятарлă центр йĕркелеме палăртнă.