13 августа 2011 г.
Юлашки çулсенче районта уйрăм çынсен хуçалăхĕнчи автомашинăсен йышĕ ÿссех пырать. Вĕсем хушшинче çĕннисем те, сиплев вăхăчĕ çитнисем те чылай. Харпăр хăй техникине кирек мĕнле хуçа та вăхăтра пăхса, тирпейлесе тăмалла. Унсăрăн çул çинчех тем курса тăрăн...
Районти пушар надзорĕнчен пĕлтернĕ тăрăх, çĕртмен иккĕмĕшĕнче çур çĕр иртсе икĕ сехетре Яманчÿрел–Патăрьел çул çинче, Алманчă çывăхĕнче, çак ял çыннин ВАЗ–2106 çăмăл автомашинине сасартăк вут хыпса илнĕ, вăл юрăхсăра тухнă. Юрать-ха хуçине нимĕн те пулман. Инкекĕн кăлтăкне маларах пĕтерме те пулнă. Водитель автомашина кăмаки патĕнчи электропроводкине вăхăтра юсанă пулсан, çакнашкал инкек те сиксе тухмĕччĕ.