24 августа 2011 г.
Алманчăра çуралса ÿснĕ, халĕ Ардалион Игнатьев ячĕллĕ республикăри спорт хатĕрлев центрĕнче ăсталăх пухакан, Александр Мышов йывăр атлетика енĕпе юниорсен хушшинче иртекен Европа ăмăртăвне хутшăнма хатĕрленет. Тупăшу авăн уйăхĕн 11-19-мĕшĕнче Румынире иртĕ.
Чăваш Енри йывăр атлетика федерацийĕ 2010 çулхи пĕтĕмлетÿсемпе Александр Мышова (тренерĕ Геннадий Иванов) спортăн çак енĕпе чи лайăххи тесе палăртнă. Кăçал та Алманчă каччи сумлă çĕнтерÿсемпе савăнтарать. Нарăс уйăхĕнче Çĕнĕ Шупашкарта иртнĕ Раççей ăмăртăвĕнче вăл 50 килограмчченхи виçере пĕрремĕш вырăн йышăннă: икĕ енлĕ тупăшура 195 килограмм çĕкленĕ. Çу уйăхĕнче Перури Лима хулинче тĕнчере мала тухассишĕн иртнĕ çамрăксен ăмăртăвĕнче ентешĕмĕр бронза медаль çĕнсе илнĕ.