27 августа 2011 г.
2011 çулхи сентябрĕн 10-мĕшĕнче, шăматкун, Патăрьелĕнчи “Паттăр” стадионта (çĕнĕ стадион) çăмăл атлетсен эстафета ăмăртăвĕ пулать. Сумлă мероприяти 10 сехетре пуçланать. Эстафета сакăр ушкăнпа иртет.
Пĕрремĕш ушкăн – ача садне çÿрекенсен командисем ( икĕ арçын ачапа икĕ хĕр ача).
Иккĕмĕш ушкăн–çемьесен командисем (ашшĕпе амăшĕ, вун пĕр çула çитичченхи ачи).
Виççĕмĕш ушкăн–ветерансен командисем (45 çултан аслă 3 арçынпа 40 çултан аслă 2 хĕрарăм).
Тăваттăмĕш ушкăн–тĕп шкулсен командисем (3 арçын ачапа 3 хĕр ача).
Пиллĕкмĕш ушкăн–вăтам шкулсен командисем (5 арçын ачапа 5 хĕр ача).
Улттăмĕш ушкăн–организаци-предприяти, учреждени, вĕрентÿ заведенийĕсен командисем (5 арçынпа 5 хĕрарăм). Вĕренекенсемпе студентсене кĕртме юрамасть ку ушкăнри командăсене.
Çиччĕмĕш ушкăн–ял поселенийĕсен командисем (3 арçынпа 2 хĕрарăм). Ăмăртăва хутшăнакансен поселенинче пурăннине кăтартакан прописка пулмалла.
Саккăрмĕш ушкăн – хĕрарăмсен командисем ( 4 хĕрарăм).
Эстафетăна хутшăнакансен (çемье командисемпе ача садне çÿрекенсен командисемсĕр пуçне) пурин те 400 метр чупмалла пулать.
Мала тухнă командăсене Хисеп хучĕсемпе чыслаççĕ.
Заявкăсене судьясен коллегине сентябрĕн 10-мĕшĕнче 10 сехетчен тăратмалла. Вĕсене медицина ĕçченĕсем çирĕплетмелле.
Çĕнтерÿçĕсем сентябрĕн 17-мĕшĕнче Шупашкарта “Советская Чувашия” хаçат парнишĕн пулакан ăмăртăва хутшăнма ирĕк çĕнсе илеççĕ.
Пурне те ăмăртăва чĕнетпĕр!