03 сентября 2011 г.
Министрсемпе ирттернĕ канашлăва уçса Чăваш Республикин Президенчĕ Михаил Игнатьев “Таса шыв” программăна пурнăçласа РФ Правительстви 24 региона 3 млрд тенкĕ уйăрни çинчен калакан хушăва алă пуснине палăртнă. Çав шутра Чăваш Ене 467,532 млн тенкĕ килнĕ. Çак укçа пуçланă икĕ объекта – Вăрнар поселокне шывпа тивĕçтерме, Патăрьел, Шăмăршă районĕсенчи тата Комсомольски районĕн кăнтăр енти пайĕнчи водовод валли – тума кайĕ. Пĕрремĕш объекта – 100 млн, иккĕмĕшне 357,532 млн тенкĕ уйăраççĕ. “Çакă Вăрнара 2012 çултах таса шывпа тивĕçтерме тытăнма май парать, кăнтăрти водовода тăвас хăвăртлăха ÿстерет”,– тенĕ республика пуçлăхĕ. Кăнтăрти водовода хута яма 60 пине яхăн çын пурăнакан 84 яла ĕçмелли шывпа тивĕçтерме пулăшать.