17 сентября 2011 г.
Авăн уйăхĕн 13-мĕшĕнче район депутачĕсен Пухăвĕн черетлĕ ларăвĕ иртнĕ. Ларăва район пуçлăхĕ, районти депутатсен Пухăвĕн председателĕ М. Петров уçнă, ертсе пынă. Çавăн пекех лару ĕçне район администрацийĕн пуçлăхĕ Н. Глухов, ял поселенийĕсен пуçлăхĕсем, район администрацийĕн структура подразделенийĕсен ертÿçисем хутшăннă.
Кун йĕркинчи ыйтусемпе райадминистрацин финанс пайĕн пуçлăхĕ С. Чернова, райадминистрацин йĕркелÿпе тĕрĕслев тата кадрсем енĕпе ĕçлекен пай пуçлăхĕ С. Торговцев тухса калаçнă (ыйтусене “Авангард” хаçатăн 2011 çулхи авăн уйăхĕн 10-мĕшĕнчи 100-101 номерĕсенче пичетленĕччĕ).
Депутатсен Пухăвĕн ларăвĕнче акционерсен “Батыревский” хупă обществин тĕп агрономне Г. Лялинăна “Чăваш Республикин тава тивĕçлĕ агрономĕ” хисеплĕ ят парас ыйтăва та хускатнă.
Депутатсем пур ыйту пирки те тивĕçлĕ йышăнусем тунă.