17 сентября 2011 г.
Çуллахи каникул вĕçĕнче çулсеренех республикăра “Асăрханăр: ачасем!” операци-уйăх-лăх йĕркелеççĕ. Çак яваплă тапхăра авăн уйă-хĕн 11-мĕшĕнче пĕтĕмлетнĕ. Операци вăхăтĕнче инспекторсем çул çинче йĕркене пăсакансен ячĕпе 269 протокол çырнă.
Çул çинче ачасемпе пулакан инкексем сахалланччăр тесе районта тăтăшах профилактика мероприятийĕсем йĕркелеççĕ пулин те, лару-тăру лайăх енне улшăнни сисĕнмест. Кăçалхи сакăр уйăхра та районта çул çитмен ачасемпе çыхăннă тăватă аварие шута илнĕ. Инкекре пĕр ачан пурнăçĕ татăлнă, виççĕшĕ аманнă.
Çакна та палăртса хăвармалла. Енчен те республикăра кашни тăххăрмĕш авари ачасемпе çыхăннă пулсан, Юхмапа Пăла тăрăхĕнче кашни саккăрмĕш инкек çул çитмен ачапа çыхăннă.