17 сентября 2011 г.
Авăн уйăхĕн 13-20-мĕшĕсенче Чăваш Республикинче “Раççейри тĕрĕксем” документлă фильм ÿкереççĕ. Çак ĕçе Вырăс географи обществи (Попечительсен канашĕн ертÿçи – Раççей Правительствин Председателĕ Владимир Путин) “Мир” телерадиокомпани заказĕпе пуçăннă.
Фильм халăхăн историйĕпе, йăли-йĕркипе, ал ĕç ăсталăхĕпе тата çут çанталăкĕпе паллаштарĕ. Палăртнă тăрăх унта Чăваш Ен Президенчĕпе Михаил Игнатьевпа тата искусство ăстисемпе интервьюсем пулмалла.
Фильм 52 минута пырĕ. Ăна “Мир”, “Моя планета” тата федерацин ытти каналĕпе пăхма пулĕ.