Публикации » Патăрьелсем эстафетăран лайăх кăтартупа таврăннă

21 сентября 2011 г.

Шăматкун Шупашкарти “Олимпийский” стадионта “Советская Чувашия” хаçат парнисене çĕнсе илессишĕн тата Совет Союзĕн икĕ хут Геройне, СССР летчик космонавтне А.Г.Николаева асăнса республикăри çăмăл атлетсен эстафети иртнĕ.

Сумлă ăмăртура Патăрьел район спортсме-нĕсем те ырă тĕслĕх кăтартнă. Пĕтĕмĕшле пĕлÿ паракан тĕп шкулсем хушшинче Ишлĕсем иккĕмĕш вырăн çĕнсе илнĕ. Вăтам шкулсен ушкăнĕнче Первомайскисем финиша виççĕмĕш çитнĕ. Район тата хула администрацийĕсен командисем хушшинчи эстафетăра Патăрьел район администрацийĕн команди чи лайăх кăтарту тунă. Ял поселенийĕсен пуçлăхĕсенчен йĕркеленĕ ăмăртура та Патăрьелсем финиша иккĕмĕш çитнĕ.