24 сентября 2011 г.
Иртнĕ шăматкун, чылай çын тутлă ыйхăра çывăрнă чухне, ирхине тăватă сехетре, Хирти Пикшикри Р.Каштановсен хуçалăхĕнче сасартăк пушар алхасма пуçланă. Вут-çулăм вăрах вăхăт хушши хутса хĕрÿленсе çитнĕ мунчаран тухнă. Юрать-ха ăна вăхăтра асăрханă, малалла сарăлма паман, инкекре мунча сиенленнĕ.
Çулталăк пуçланнăранпа Пикшик ял поселенийĕнче виççĕмĕш, районта 29-мĕш пушар пулнă.
Умра–хура кĕркуннепе сивĕ хĕл. Çавăнпа та вут-кăварпа питĕ асăрхануллă пулмалла. Мунча хутнă чухне пушшех те тимлĕхе ÿстермелле.