24 сентября 2011 г.
Чăваш Республики кăрлачăн 1-мĕшĕ тĕлне выльăх шутне чакарман 29 регион йышне кĕнĕ. Кĕтĕве упраса хăварнăшăн 156 миллион тенке тивĕçнĕ. Федераци хыснинчен ăна пайласа ĕне выльăх хисепне пĕл-тĕрхи шайра тытнă ял хуçалăх предприятийĕсен, килти хушма хуçалăхсен, фермерсен счечĕсем çине куçарнă. Кашни пуçшăн вăтамран 2800 тенкĕ.
Республика хресченсене ытларах пулăшас тĕллевпе РФ Ял хуçалăх министерствинчен кăçалхи субсиди калăпăшне пысăклатма ыйтнă. Унтан паха вăрлăх туянма 4,8 миллион тенкĕ хушса парасси çинчен пĕлтернĕ.
Агропромышленноçа аталантарма Раççей Ял хуçалăх министерствине килес çул федераци бюджетĕнчен 130 миллиард тенкĕ – кăçалхинчен нумайрах – уйăрма пăхаççĕ. Çавăнпа та республикăна ытларах укçа-тенкĕ килес шанчăк пур.