28 сентября 2011 г.
Авăнăн 27-мĕшĕнче ЧР Культура Министерствин массăллă информаци хатĕрĕсемпе ĕçлекен пай пуçлăхĕ А. Краснова, район администрацийĕн пуçлăхĕ Н. Глухов районти “Аванард” хаçат редакцинче пулнă, коллектива конкурс условийĕпе килĕшÿллĕн çĕнтернĕ çĕнĕ редакторпа паллаштарнă.
Святослав Алексеевич Перепелкин 1966 çулта Анат Туçара çуралса ÿснĕ. Вăтам шкултан, каярахпа ЧПУн историпе филологи факультетĕнчен вĕренсе тухнă хыççăн 1990 çулта ĕç стажне район хаçатĕнче пикеннĕ. 1993 çултан пуçласа ку таранчченех тĕрлĕ шкулта учительте, шкул директорĕн çумĕнче, директорта тăрăшнă.